بتحب الحياة كلها .. راضية ومبسوطة
تلعب في وسط أصحابها .. قطقوطة كتكوتة
ماتشيلش للدنيا هم .. ما هي لسه سفروتة
وليها مع كل نسمة .. حكاية وحدوتة
وكبرت خلاص البنت .. وكبرت معاها الحكاية
شافت واتعلمت .. حكايتها لسه في البداية
تفرح شوية .. وتحزن شوية .. مشوار مالوش نهاية
ما هي ليها حواديت كتير .. ولا عارفة تقول كفاية
يمكن تقدر تعدي .. وتكون أسعد الصبايا
فاتت أيام كتير .. والحلم لسه مجاش
بس عندها أمل .. تروحله ومتستناش
وأهي لسه برضه بتحلم .. ما هي الأحلام ببلاش
أصلها عارفة الحياة .. من غير الحلم ماتسواش
فقررت تفضل تحلم .. حتى لو الحلم .. مانتهاش
أروع ما قد يكون في الحياة أن نحلم
والأروع لو تحقق الحلم
فهل منكم مَنْ مازال يعيش في أحلامه ؟!
ليست هناك تعليقات:
إرسال تعليق